Një intervistë për mediat vendase në Çeki, ish-trajneri i mesfushorit Ergys Kaçe, Roman Pivarnik ka bërë një panoramë të asaj se çfarë ka ndodhur vërtet mes tyre, konflikt që çoi dhe në përjashtimin e mesfushorit.
Ai ka thënë, se nuk i ka pëlqyer shumë veprime të mesfushorit të kombëtares, pasi në shumë raste ky i fundit neglizhonte seancat stërvitore, duke mos dhënë maksimumin.
Pivarnik ka shprehur konsideratë për Kaçen, por ka shtuar se nga ai pritej më shumë. "E kam aktivizuar shumë herë titullar, por nuk ka bërë asgjë, që nga ai moment fillova të dyshoj nëse ja vlente të qëndronte ende në ekip apo duhet ta largoja. Nuk mora vendim drastik, pasi i dhashë dhe një mundësi për të luajtur me të rinjtë, por as aty ai nuk tregoi ato që vlera që ai ka realisht si lojtar. Vendimin përfundimtar e mora pasi ai u largua nga ekipi i të rinjve dhe nuk u kthye më. Mediat çeke ishin ato që më njoftuan për këtë veprim, kur unë ende nuk e kisha vendosur të çështjen e tij".
Këto kanë qenë fjalët që ka thënë trajneri Pivarnik lidhur me "çështje" Kaçe. Aktualisht mesfushori i kombëtares po stërvitet tek PAOK-u, ku pritet të shihet nëse do të qëndrojë tek skuadra që aktualisht zotëron kartonin e lojtarit apo do të bëjë ndonjë lëvizje tjetër.
Lexo gjithashtu
