Klubi i Partizanit ndodhet në Antalia ku po zhvillon mini-fazën përgatitore në mënyrë që të jenë gati për pjesën e mbetur të sezonit. Tekniku i ri Sormani është duke marrë kohën e mjaftueshme që të njohë më mirë skuadrën dhe të implementojë brenda saj idetë e tij.
Teksa njërin sy e ka nga merkato duke pritur përforcime sidomos për fazën e sulmit, Sormani mendon gjithashtu edhe për modulin me skuadrën aktuale dhe pa afrime. Të kuqtë nuk do t'i ndahen dy fakteve, mbrojtja me 4 dhe sulmi me dy. Pra moduli që pritet të shohim me Sormanin është 4-4-2, teksa mesfusha mund të pësojë lëvizje.
Krahu i djathtë i mbrojtjes pritet që të mbulohet nga Kërçiku i sapo afruar tek të kuqtë, ndërsa dilema më e madhe qëndron po në të djathtë por tani në sulëm. Nëse drejtuesit e Partizanit nuk gjejnë zëvendësuesin e duhur të Asanit, Sormani do të krijoi zgjidhjen nga brenda klubit. Për dyshen e sulmit balotazhi qëndron me Bardhi-Broën apo Ekuban-Solomon.
Lexo gjithashtu
