Ai është një ndër talentet më premtues të Superligës shqiptare.
Është vetëm 21 vjeç dhe ka luajtur në disa ekipe shqiptare si: Elbasani, Partizani U-19 si dhe te skuadra aktuale, Luftëtari.
Talenti bluzi, Kristal Abazaj, në një intervistë për Newsport.al, flet për gjëndjen e vështirë që po kalon Luftëtari, trajnerin e ri të gjirokastritëve, si dhe sqaron zërat që e shohin te Partizani.
-Vitin e kaluar ishit një ndër lojtarët më të rëndësishëm te Luftëtari, ndërsa sivjet nuk po zhbllokoheni ende. Ku qëndron ngërçi?
Besoj se sezoni aktual është më i mirë se ai i vjetshmi, duke u bazuar edhe te statistikat. Besoj se këto ndeshje qe kemi zhvilluar, kemi bërë shumë volum loje, por s'kemi arritur t'i finalizojmë.
-Ku mendoni se është problemi, apo është thjesht një ngërç psikologjik?
Kemi patur disa probleme të brendshme të vogla, por më shumë ka qenë psikologjike.
-Të shtunën ju pret një ndeshje e vështirë përballë Skënderbeut. A mendon se është sfida ideale për të bërë kthesën?
Normalisht që Skënderebu është ekipi më në form për momentin në Shqipëri. Jemi të vetëdijshëm që na pret një ndeshje shuëm e vështirë, po ne do shkojmë të japim maksimumin tonë.
-A mendoni se do të arrini të ndalni serinë pozitive të korçarëve?
Normalisht që është shumë e vështirë, por ne do të japim më të mirën edhe besoj se do të marrim rezultat pozitiv.
-Tashmë në skuadër keni një trajner si Hasan Lika, që e njeh mirë Kampionatin Shqiptar. A mendon se është i duhuri për të arritur objektivat e Luftëtarit?
Profesor Hasani ka sjellë frymë tjetër në grup. Besoj që duhet t'i japim pak kohë, sa të përshtatet. Shpresojmë që me punë deh sakrificë të kalojmë këtë ngërç.
-Lika apo Milinkoviç?
HAha (qesh),të dy janë shumë të mirë.
-Është përfolur për një dëshirë të Partizanit, për t'ju patur në ekip, keni dijeni?
Nuk di asgjë për këtë lajm, jam i fokusuar te ekipi im dhe dua të jap maksimumin tim këtu.
-Nëse të vjen një ofertë serioze do ta pranoje? Të bind projekti i Partizanit?
Normalisht ndihesh i vlersuar kur të kërkojnë ekipe me emër, siç është Partizani, por do të shohim në vazhdim si do të shkojnë gjërat.
-Një parashikim për këtë gjysmë sezoni? Cila shpallet kampione dimri dhe ç'vend zë Luftëtari i Kristalit?
Nuk mund të jap emra konkret sepse kampionati është shumë i fortë dhe i paparashikueshëm. Duke parë kalendarin, që kemi tre ndeshje brënda në shtëpinë tonë, besoj se do i shmangemi pozicionit aktual dhe do të renditemi në 6-shen e parë./ RETIN TOKA
Lexo gjithashtu
