Shqipëria është gati të marrë maksimumin në Kampionatin Botëror 2019 që po mbahet aktualisht në Suedi.
Skuadra kuqezi përfaqësohet për herë të parë me 5 skiatorë, ku përveç Erjon Tolës dhe Suela Mëhillit janë edhe të rinjtë, Marsel Biçoku, Mathieu Kaço dhe Vasil Veriga. Në këtë edicion, skiatorët tanë tentojnë të arrijnë sa më lart, pse jo dhe në zonën e medaljeve.
Elvis Toçi, presidenti : Fitorja e Shqipërisë është që për herë të parë marrim pjesë në një eveniment me 5 sportistë.
Roberto Bonavita, trajner i Kombëtares së skive: Mund të bëjmë një garë të mirë. Kemi bërë disa prova në stërvitje. Të gjithë patën mundësinë të japin më të mirën.
Erjon Tola, skiator:Temperaturat janë rritur shumë. Kushtet janë të vështira për të gjithë skiatorët. Ne po mundohemi të bëjmë më të mirën. Nesër kemi garën e kualifikimit, por nuk do të dorëzohemi.
Kuqezinjtë e skive do të garojnë në disiplinën e slalomit dhe slalomit gjigand, teksa paraqitjet e tyre do të shërbejnë dhe për grumbullimin e pikëve olimpike që vlejnë për pjesëmarrjen në Lojërat Dimërore të vitit 2022 në Pekin.
Lexo gjithashtu
