Vllaznia padiskutim është skuadra e momentit në Superiore. Shkodranët prej 11 ndeshjesh nuk e njohin humbjen, ndërsa janë ngjitur ndjeshëm në klasifikim.
Vllaznia ka hedhur prapa krahëve humbjen me Kukësit dhe tashmë shkodranët kanë kthyer fokusin te sfida e radhës në kampionat. Shkodranët u mposhtën pas 13 ndeshjesh dhe pauza e kampionatit për shkak të ndeshjeve të kombëtares ka favorizuar kuqeblutë, për të rifituar energjitë për pjesën e mbetur të sezonit.
Qatip Osmani pa diskutim është “arkitekti” i kësaj skuadre, i cili në një kohë shumë të shkurtër gjeti “ilaçin” e duhur për të kuruar kuqeblutë. Pavarësisht humbjes së fundit, shkodranët kqnë treguar se janë një “kockë” e fortë dhe tashmë janë një prej pretendentëve kryesorë për titullin kampion.
Aktualisht janë vetëm 2 pikë larg Egnatias kryesuese dhe titulli duket shumë afër. Pavarësisht se këtë sezon skema është ndryshe për të arritur te trofeu, por gjithsesi Vllaznia ka treguar se është gati të mposhtë çdo kundërshtarë për të rikthyer titullin në Shkodër.
Një titull që mungon prej 23 vitesh dhe si asnjëherë më parë në Shkodër presin që të jenë ata triumfuesit dhe të ngrejnë lart trofeun e kampionit. Titulli i fundit që kanë fituar shkodranët është në sezonin 2000-2001 me 56 pikë, 2 më shumë se Tirana e vendit të dytë.
Ndërkohë vlen të theksohet se në atë sezon Superiorja ishte me 14 ekipe dhe pas 26 ndeshjesh në fund do të festonin shkodranët, duke lënë prapa Tiranën dhe Dinamon. Në atë sezon kuqeblutë triumfuan në 17 ndeshje, barazuan 5 dhe humbën 4. E dërguan topin në rrjetë plot 51 herë, ndërsa pësuan vetëm 22.
Lexo gjithashtu
