Nedim Bajrami vijon të jetë në radarin e klubit të Fiorentinës. Është përfolur prej ditësh një largim i tij nga Empoli, edhe pse mesfushori shqiptar aty është titullar i padiskutueshëm. Së fundmi, zërat janë bërë më konkrete teksa janë futur në lojë edhe shifrat.
“Tuttomercato” raporton se një ofertë prej 10 milionë eurosh mund të largojë shqiptarin nga Empoli. Marrëveshja duket më se e arritshme dhe në këtë fillim sezoni futbollistik, ai mund ta shohë veten të luajë për klubin violë. Megjithatë duhet pritur pasi çdo sesion merkatoje ka treguar se negociatat edhe mund të dështojnë.