Tirana do të luajë sot kundër Dukagjinit, ndeshje e vlefshme si miqësore. Kjo sfidë është programuar të zhvillohet në orën 17:30 dhe pritet me mjaft interes nga sportdashësit. Prej disa ditësh, bardheblutë janë shpërngulur në Ohër, aty ku po përgatiten për Kupat e Europës.
Në këtë mënyrë trajneri Orges Shehi do të ketë mundësi të shohë gjendjen e lojtarëve në dispozicion. Tekniku bardheblu mund ta nisë nga minuta e parë me afrimet e reja, që në stërvitje kanë treguar rendiment të kënaqshëm.
Kësisoj në portë pritet Gentian Selmani, ndërsa para tij katërshja Mici - Obanor - Najdovski - Doka. Mesi i fushës pritet të përbëhet nga Deliu - Qefalia - Abazaj. Ndërsa përpara do të rreshtohen Latifi dhe Hasani në mbështetje të Kainës.
Poll
Lexo gjithashtu
