Tirana ka mbyllur përgatitjet ditën e djeshme për ndeshjen ndaj Erzenit që do të luhet sot në orën 17:45 në Elbasan Arena për të mbyllur fazën e parë të Kategorisë Superiore. Bardheblutë nuk diskutojnë asgjë tjetër veç fitores pasi çdo rezultat tjetër i largon shumë me kreun.
Trajneri Shehi pati deklaruar ditën e djeshme në konferencë mungesën e sigurt të Limajt dhe Tosevski ndërkohë që kishte edhe 2-3 shqetësime për lojtarë të tjerë.
Limaj është i dëmtuar ndërsa maqedonsi është thirrur në Kombëtare. Mesfushori i shtohet Najdovskit në tribunë ndërsa tjetër shqetësim për teknikun durrsak është edhe gjendja e sulmuesit Patrick i cili vuan nga një epidemë në gisht dhe mbetet të shihet nëse do të jetë i gatshëm.
Poll
Lexo gjithashtu
