Sot do të luhen dy ndeshjet e para të javës së 5-të të “Abissnet Superiore”. Dy ndeshje mjaft interesante që pritet me interes edhe nga tifozët.
Java e 5-të do të startojë me sfidën Tirana – Erzeni, në orën 15:00, në “Selman Stërmasi”. ‘Bardheblutë’ do të luajnë përballë ‘Hirushes’ së këtij sezoni të cilët kanë pasur një fillim mjaft të mirë. Në katër ndeshjet e para skuadra nga Shijaku ka arritur të grumbullojë 5 pikë. Në krahun tjetër Tirana vjen në ktë ndeshje si kryesuese. Të besuarit e Orges Shehit renditen në vendin e parë të klasifikimit me 10 pikë, 3 më shumë se Laçi i vendit të dytë.
Ndeshja e dytë do të luhet në “Elbasan Arena”, në orën 18:00. Aty Dinamo City do të presë Partizanin. Dinamovitët kërkojnë pikë në këtë derbi, me kampionët e Shqipërisë që pritet të mos “falin” për tu afruar gjithnjë e më shumë me kreun e renditjes.
Lexo gjithashtu
