Para ndeshjes me Erzenin, drejtori i Tiranës Tefik Osmani foli për mikrofonat e Oversport për merkaton e bardhebluve. Duke falenderuar njerëzit prapa “kuintave” dhe duke uruar Xhixhën për aventurën e re, Osmani zbulon se merkato e kampionëve nuk është mbyllur akoma ku sinjalizon një apo dy largime dhe dy apo tre afrime.
“Pas Osmanit ka një grup njerëzish që dua t’i falenderoj pasi kanë bërë një punë të madhe. E kam thënë edhe pas Bylist që do të jetë një javë e ngjeshur. Xhixhës i uroj më të mirën dhe Kombëtaren. Me Abazajn dhe Lushkjan kemi bërë një merkato të mirë. Ismajlgeci? Mund të kemi një ose dy shitje dhe dy ose tre afrime.
Arritëm të zhbllokojmë merkaton në një kohë rekord. Kur ti do të shesësh duhet të bësh gati zëvëndësuesin. Është pak e vështirë por në momentin që ne ramë dakord që Xhixha të shitej, ishim të gatshëm përt Abazajn. Nëse nuk do të gjenim një zëvëndësues Xhixha nuk do largohej.”- u shpreh Osmani.
