Tirana do të luajë ditën e sot në “Air Albania” ndaj Besiktas. Kjo sfidë është e vlefshme për turin e dytë të Conference League, teksa ndeshja e parë ka përfunduar në favor të turqve me shifrat 3-1. Gjithçka do të startojë në orën 20:00 dhe vëmendja do të jetë e gjitha në kryeqytet.
Bardheblutë do të tentojnë një mrekulli për kualifikimin, me Orges Shehin që ka vendosur të luajë edhe “kartat” e fundit sa i takon formacionit. Ndryshime priten që nga mbrojtja deri në sulm. Pikërish në repartin e avancuar janë dilemat më të mëdha.
Goli i Kainas në Turqi duket se i ka dhuruar një fanelë titullari për sfidën e kthimit, teksa Abazaj dhe Latifi po përballen “kokë më kokë” për një fanelë titullari.
Ndërkohë në mbrojtje Shehi po mendon që në vend të Albi Dokës të dëmtuar të vendset Rimal Haxhiu.
Formacioni i mundshëm: Selmani, Haxhiu, Najdovski, Hoxhallari, Përgjoni, Jonuzi, Hila, Lushkja, Hasani, Kaina, Abazaj (Latifi).
Lexo gjithashtu
