Tirana do të udhëtojë ditën e mërkurë drejt Gjeorgjisë për të zhvilluar stërvitjen e fundit përpara ndeshjes së kthimit me Dinamo Batumin, më 20 korrik në orën 19:00 në ‘Batumi Stadium’.
Sfida e parë përfundoi në barazim 1-1, me bardheblutë që baraspeshuan në minutën e 93’ me Regi Lushkjan. Në Gjeorgji do të tentohet kualifkimi, në një vend ku kanë patur fat teksa në sfidën e fundit në këtë shtet, fituan ndaj Dinamo Tbilisi para 3 vitesh kur garonin në Champions League.
Në sfidën e ‘Air Albanias’, Orges Shehi kishte një mungesë. Sulmuesi Kaina Nunes nuk ishte i gatshëm për lojë dhe e pa ndeshjen në tribunë. Mirëpo, braziliani ka lënë pas gjendjen gripale dhe do të jetë 100% i gatshëm për të bërë debutimin e tij me Tiranën.
Poll
Lexo gjithashtu
