Teksa jemi më pas se 24 orë larg derbit mes Tiranës dhe Partizanit, në Air Albania nesër në orën 19:00, emocionet sa vijnë e shtohen. Ishi i të dy skuadrave, Renato Kalari, tani trajner në akademinë e Partizanit, foli për ndeshjen teksa ishte i ftuar në Sport News nga moderatorja Trevisa Tufa në News24.
“Derbi përjetohet njësoj te të dyja kampet pasi që kur hidhet shorti, tifozët pyesin kur është java derbit për vetë atmosferën që paraqet, stadiumi, java para derbit janë ato emocionet unike. Për sa isha te Tirana, derbi përjetohet pak më shumë nga ana emocionale, kishte më shumë akumulim emocioni dhe përkthehej në stres apo presion.
Ndërsa te Partizani përcillet si një javë derbi, por jo ai emocioni i jashtëzakonshëm që përcillet në presion emocional që ndikon edhe në fushë.
Momenti më i mirë? Kam patur momente të bukura me të dyja por me Partizanin veçoj derbet në Qemal Stafa ku ka qenë disa herë mbi kapacitetin e vet dhe mbaj mend që kemi fituar me golat e Sukajt. Emocione të jashtëzakoshme teksa vija dirket nga Tirana te Partizani.”-tha Kalari.
Lexo gjithashtu
