Tirana nuk ka ndërmend të ndalet këtë merkato. Bardheblutë duket se e kanë marrë me “nerva” këtë fillim-merkatoje pas përfundimit të sezonit ku kishin rezervat e tyre. Kryeqytetasit do të bëjnë një revolucion me shumë lotjarë që ishin larguar dhe të tjerë pritet t’i ndjekin.
Deri tani janë afruar Kaina, Selmani dhe Obanor ndërsa pritet firma edhe me Albi Dokën. Mirëpo, një tjetër rikthim është në horizontin e 26 herë kampionëve të vendit. Idriz Batha i ka dhënë fund aventurës me UTA Arad në Rumani dhe është një lojtarë i lirë. Mesfushori 31-vjeçar ishte kapiten i Tiranës me të cilët ka fituar edhe titullin kampion në sezonin 2019-2020.
Tirana ka një lojtar si Aleksi në këtë pozitë që gjithashtu pritet të rinovojë dhe mbetet të shihet nëse drejtuesit do ta lënë këtë mundësi të ikë apo t’i shtojnë “hallet” Shehit për formacionin titullar.
Lexo gjithashtu
