Kristal Abazaj pritet të jetë afrimi “bombë” i Tiranës në këtë merkato dimri. Sulmuesi i njohur ndodhet prej disa javësh në vendin tonë. Është përfolur disa herë një afrim i tij te 26-herë kampionët e vendit, por siç duket vetëm në këtë sesion merkatoje do të ketë diçka konkrete.
Tirana po pret shitjen e Redon Xhixhës në mënyrë që të zyrtarizojë dhe afrimin e Abazajt. Cilësitë e tij janë të padiskutueshme dhe pas përfundimit të aventurës në Turqi, 26-vjeçari do të tentojë të rinisë gjithçka nga e parë në elitën e futbollit tonë.
Edhe pse dëmtimet e kanë penalizuar, për potencialin e treguar në fushë, Abazaj me siguri do të shndërrohet në një nga pikat kyçe të Tiranës për pjesën tjetër të sezonit. Pritet me interes të shihet se çdo të ndodhë ku duhet thënë që bisedimet janë në rrugën e duhur.
Lexo gjithashtu
