Përveç dy sfidave të Abissnet Superiore, ku luhet derbi mes Erzenit dhe Teutës si dhe Klasikja Tirana-Vllaznia, ditën e sotme do të zhvillohen edhe takime të tjeraa.
Kategoria e parë ka hyrë në një fazë mjaft interesante ku tashmë skuadrat kanë nisur të bëjnë edhe “kalkulimet”. Në orë 13:00 do të luhen dy ndeshje në aksin Berat-Cerrik, të vlefshme për javën e 15-të.
Besa pret Besëlidhje në një duel mjaft interesant në Berat, pasi kavajasit e kanë kthyer në "shtëpinë" e tyre stadiumin "Tomori".. Vendasit synojnë pikët që janë shumë të rëndësishme për pozicionimin në zonën “Play-Off” për të shpresuar në ngjitjen në Superligë sezonin e ardhshëm. Ndërkohë miqtë pas fitores në javën e kaluar kërkojnë një tjetër 3 pikësh që do t’iu vlente shumë në garën për mbijetesë.
Takimi tjetër po kaq i veçantë është edhe përballja mes Turbinës dhe Apolonisë. Ky është konsideruar një duel direkt për mbijetesë, pasi të dyja ekipet aktualisht e shikojnë vetën në zonën e rrezikut. Cerrikasit ndodhen në vendin e fundit me 11 pikë, ndërsa fierakët në pozicionin e 10-të me 17 pikë, vetëm 1 pikë larg vendit të 8-të që mbahet nga Tomori.
[caption id="attachment_679886" align="alignnone" width="300"] Ndeshjet e dites se sotme ne Kat1[/caption]