Tashmë stadiumi "Selman Stërmasi" është kthyer në një çështje ndërmjet dy skuadrave dhe tifozërive të kryeqytetit, Tiranës dhe Partizanit. Klubi i kuq i ka kërkuar atij bardheblu që t'i luajë ndeshjet si pritës në impiantin "Selman Stërmasi", stadium i cili është nën administrimin e klubit të Tiranës. Deri tani nuk ka asgjë zyrtare, megjithatë për newsport.al gazetarja e njohur sportive ka dhënë mendimin e saj teksa ka deklaruar:
"Unë mendoj që do të ishte mirë që Partizani të luajë në Tiranë si skuadër e kryeqytet që është. Meqë në Tiranë i vetmi stadium është "Selman Stërmasi", atëherë nuk shoh asnjë pengesë apo motiv pse nuk duhet të luajë aty. Rivaliteti duhet të jetë 90 minuta dhe brenda shkallëve të stadiumit. Nuk ka kuptim kjo që po ndodh mes Tiranës dhe Partizanit. Unë shpresoj se do të zgjidhet për mirë dhe klubet së bashku me tifozëritë ta kuptojnë që është një konflikt i kotë që nuk të çon gjëkundi", ka përfunduar për neësport.al Hygerta Sako, moderatorja e emisionit "Rubrika Sportive".
Lexo gjithashtu
