Teuta do të jetë mike në shtëpinë e saj nesër në orën 16:00 teksa do të përballet me Erzenin në Niko Dovana për javën e 21-të të Abissnet Superiore. Durrsakët e kanë detyrim fitoren për të kaluar sërish Kukësin dhe madje, për t’u afruar me Laçin e vendit të gjashtë. Gara është shumë e ngushtë dhe çdo fitore apo humbje ka pasoja të mëdha. Nën drejtimin e trajnerit Edi Martini, ekipi ka mbyllur përgatitjet ditën e sotme në kompleksin stërvitor. Bregdetarët vijnë me ekipin e plotë teksa nuk ka asnjë problem fizik në grup dhe tekniku Martini mund të përdorë formacionin më të mirë të mundshëm. Në dy përballjet e para, Erzeni u ka marrë 4 pikë ndaj nesër do të provohet fitorja e parë në derbi për këtë sezon.

 

View this post on Instagram

 

A post shared by ᴋғ ᴛᴇᴜᴛᴀ (@kfteuta.official)