Një tjetër skuadër që ka lëvizur shumë në këtë merkato janari ka qënë edhe Skënderbeu.
Korçarët kanë arritur të bëjnë 12 operacione brenda pak ditësh, të ndara baraz : gjashtë në hyrje dhe gjashtë në dalje. Largimi më i bujshëm mund të cilësohet ai i afrikanit Demte, i cili braktisi bardhekuqtë për shkak të temperaturave të ulëta. Edhe largimi i Realdo Filit mund të ndihet paska te skuadra e drejtuar nga Orges Shehi, pavarësisht se pjesa e parë e sezonit rezultoi një dështim nga ana e 22 vjeçarit, ku u aktivizua në 10 takime por pa gjetur golin.
Ndërkohë afrime të bujshme nuk ka pasur në aksin korçar. Shehi është munduar të marrë talente premtuese në skuadër, ku mund të përmendin emra si Elmir Asani, Shqiprim Taipi apo dhe Zani Kurti. Kundër tyre është edhe dënimi i UEFA-s që tremb jo pak futbollistët e afrimuar.
Në listën e afrimeve gjendet emra si Idriz Toskiç, Marko Pervan dhe Kuasi Sibo, ndërkohë që kanë përgatitur valixhet bashkë me Filin e Demte, Renato Ziko, Almir Ajzeraj (huazim), Arnaud Guedj dhe Saliu Guindo.
Lëvizje që mund të rezultojë ndoshta efikase për kampionët në fuqi të vendit, që këtë sezon po vuajnë shumë, teksa renditen në vendin e 5-të me 10 pikë më pak se kryesuesit e Partizanit.
Lexo gjithashtu
