Nga Tirana pas Ardit Hilës dhe Florent Hasanit mund të largohet një tjetër lojtar. Bëhet fjalë për Klevi Qefalija. Talenti bardheblu është një prodhim i kryeqytetasve, ndërsa kërkon një vend titullari në pjesën e dytë të sezonit.
Konkurenca në ekip është e madhe, pasi duhet të luftojë fort me emra si Jonuzi, Lushkja, Deliu si dhe me talentet si Tole dhe Meta. Në këto kushte duke parë mundësitë e pakta për të qenë në formacionin fillestar, lojtari dëshiron largimin nga kryeqyteti, qoftë edhe në formë huazimi.
Drejtuesit këmbëngulin ta mbajnë në skuadër, pasi e konsiderojnë një element kyç, por situata duken ndryshe. Mbetet të shihet nëse 20-vjeçari do të largohet nga “shtëpia” e tij për të nisur një aventurë të re, apo do të vazhdojë të luftojnë për një fanelë titullari.
Lexo gjithashtu
