Dinamo do të presë Besën ditën e nesërme në stadiumin e Kamzës në orën 15:00 për të luajtur ndeshjen e javës së 23-të të Kategorisë së Parë. Blutë s’kanë objektiv tjetër vec fitores për të provuar shpresuar më pas në një hap fals të Sëknderbeut në mënyrë që të rimarrë kreun e klasifikimit.
Duke qenë se ndodhet jashtë Tiranës, klubi ka vendosur që t’ju vijë në ndihmë tifozëve duke hapur dyert e stadiumit, pra bileta është falas. Kjo do të jetë ndeshja e fundit që Dinamo luan si pritëse pasi ajo ndaj Tërbunit do të merret 3-0 në tavolinë ndërsa me Luzin dhe Lushnjen e mbyll në transfertë.
“ - , ! FC Dinamo fton të gjithë tifozët blu të jenë në mbështetje të skuadrës, në një ndeshje shumë të rëndësishme për objektivin sezonal. Hyrja do të jetë falas në stadiumin e Kamzës! Mos mungoni, të shtunën rezervoje për Dinamon!”-njofton klubi.
Lexo gjithashtu
