Java e 15-të e Kategorisë Superiore është nga ato javë që shënohen në kalendar para fillimit të sezonit. Sot në Air Albania luhet derbi më i madh i trojeve shqiptare mes Tiranës dhe Partizanit, në orën 20:00.
Pak më ndryshe se vitet e fundit, ky derbi ka një vlerë disi më të veçantë pasi dy skuadrat janë në kryesimin e renditjes, shkëputur nga ndjekësit e tjerë. Partizani me 26 pikë, 1 më shumë se Tirana, kryeson tabelën e Abissnet Superiore.
Newsport zbuloi ditën e djeshme se ishin shitur mbi 6500 bileta por mëngjesin e sotëm numri ka shkuar në 10 mijë por ky numër do të rritet akoma më shumë pasi siç dihet, në Shqipëri biletat blihen pak para ndeshjes. Ndaj, sot në Air Albania pritet të jetë një numër i madh tifozësh që garantojnë spektakël dhe emocione për gjatë gjithë 90 minutëshit.
Lexo gjithashtu
