Partizani do të përballet me Tiranën për të luajtur derbin e kryeqytetit. Një ndeshje e prapambetur që luhet në kuadër të javës së 6-të të Superiores. Një ndeshje që nuk ka favorit por që pritet të dhurojë spektakël si në fushë apo tribuna.
Në prag të kësaj sfide, për mikrofonat e MCN TV, ka folur Alban Tafaj.
“Të dyja ekipet vijnë në një moment delikat. Me dy trajnera të rinjë të shkollës sonë të futbollit. Por më e rëndësishmja është atmosfera, si tek Kombëtarja që ndihmonte lojtarët. Është një moment delikat për të dyja skuadrat, por mendoj se më e favorizuar është Tirana. Janë trajnerë të cilët janë të botës së futbollit. I dinë më mirë se kushdo hallet dhe problemet e klubeve pasi kanë qenë në brendësi. Ata do të japin më të mirët, por përsëri mendoj se atmosfera është kryesore. Pse Tirana favorite? Kanë moral më të lartë, pasi me fitimin e ndeshjes ndaj Vllaznisë i ka dhënë një hov skuadrës pasi vinte pas dy humbjeve. Është momenti që ata të kalojnë ngërçin”, është shprehur ish-lojtari i Tiranës dhe Partizanit.
Lexo gjithashtu
