Vora duket se e ka nisur me të “pestin” në këtë merkato. Vorakët pas rikthimit në Kategorinë e Parë tashmë duket se objektivi i tyre i radhës është ngjitja në Kategorinë Superiore.
Gjatë kësaj merkatoje ata kanë rinovuar me një pjesë të skuadrës që e rikthehu në të Parë ndërsa nuk kanëmunguar as afrimet. Ditën e sotme ata kanë zyrtarizuar një tjetër goditje me vlera nga Kategoria Superiore.
Bëhet fjalë për sulmuesin shkodran, Eridon Qardaku. 22-vjeçari ishte pjesë e Bylisit në Abissnet Superiore. Tashmë ai është lojtari më i miri i Vorës.
Ka qenë vetë klubi që e ka bërë të ditur lajmin nëpërmjet një postimi në kanalin e tyre zyrtar. Në sezonin e ri trajneri Artan Mërgjyshi do të ketë luksin e zgjidhjes pas ka 2 lojtarë për çdo rëpart.
Postimi i FK Vora:
Zyrtare! Eridon Qardaku është futbollisti i Vorës
Futboll Klub Vora njofton se sulmuesi Eridon Qardaku është zyrtarisht futbollist i skuadrës sonë! Futbollisti 22-vjecar ka firmosur ditën e sotme duke u bërë kështu futbollisti më i ri në skuadër, Eridon Qardaku i dalë nga akademia e Vllaznisë, nga sezoni 2019 pjesë e Bylis, aktivizuar 3 ndeshje tek ekipi U-21 i Shqipërisë.
Klubi i Vorës i uron mirëseardhjen sulmuesit Eridon Qardaku dhe shumë sukses me fanellën e skuadrës sonë.
Lexo gjithashtu
