Më 17 qershor kombëtarja shqiptare do të luajë ndaj Moldavisë në “Air Albania”, sfidë e vlefshme për kualifikueset e Euro 2024. Në prag të këtij takimi në konferencë për shtyp ishte i pranishëm Ardian Bajrami.
Ktheheni nga dëmtimi, sa jeni i gatshëm? Kam pasur një dëmtim të rëndë dhe tashmë e kam kaluar. Jam 100% i gatshëm të jap makimumin tim. Konkuenca me Ismajlin dhe Gjimshitit më bën të jap më të mirën time dhe jam i lumtur.
Si ishte takimi me Sylvinhon? Sylvinho erdhi në Portugali për të më takuar dhe kemi folur së bashku, por unë isha i dëmtuar, më tregoi se më ka në planet e tij.
Ndeshja me Moldavinë? Trajneri do të vendosë kush do të luajë dhe unë si lojtar që mbaj veshur këtë fanelë do të jap maksimumin tim.
Marrëdhënia me lojtarët në stërvitje? Kemi një marrëdhënie të mirë dhe komunikojmë shpesh në stërvitje. Ne të gjithë do të japim maksimumin për të marrë 3 pikët.
Çfarë ka kërkuar trajenri specifikisht? Më ka thënë mos u mërzit, pasi çdo gjë do të kalojë. Më ka në planet e tij dhe më shikon pjesë të së ardhmes.
Gabimet ndaj skuadrave të vogla? Për mendimin tim nuk ka skuadër të lehtë. Të gjitha sfidat janë të vështira dhe ne do të jemi të përqendruar për të marrë më të mirën.
Sezoni i ri? Unë kam edhe dy vite kontratë me Benfican. Ëndrra ime është të jem i ekipit parë por futbollit nuk i dihet. Për momentin jam i fokusuar te sfidat me kombëtaren dhe më pas do të shoh se çfarë sjell e ardhmja”.
Lexo gjithashtu
