Armando Broja është në qendër të vëmendjes pas paraqitjes fantastike të bërë kundër Preston. Sulmuesi i kombëtares shqiptare me gjasë do ta nisë sërish nga minuta e parë teksa sonte Chelsea do të përballet me Middlesbrough, e vlefshme për Carabao Cup.
Trajneri i Bluve të Londrës, Maurizio Pochettino ka folur me superlativa për shtatlartin që dalëngadalë duket se po rigjen formën e humbur pas një pushimi të gjatë prej 1 viti. Shtatlarti i fazës ofensive u dëmtua në dhjetor të 2022-shit ndërsa ka afro 2 muaj që ka zbritur në fushë.
Pritet me interes të shihet se si do të jetë paraqitja e shqiptarit në mbrëmjen e sotme, ndërsa sfida e kthimit do të zhvillohet në datën 23 janar.
Poll
Lexo gjithashtu
