
Nesër në orën 20:00 luhet finalja e Superkupës Italiane në Arabinë Saudite mes Milanit dhe Interit. Flet perpara supersfides kapiteni i Milanit, Davide Calabria : "Fitimi i një trofeu është gjithmonë i rëndësishëm, të jep besim dhe të inkurajon të bësh më mirë. Është një lojë më vete. Ne e kemi përgatitur mirë dhe do të japim gjithçka që kemi. Ne jemi këtu për të fituar.
A ju kujtohet fitorja juaj e fundit në Superkupën?
Ka ndryshuar gjithçka, ishte një tjetër Milan. Fitimi i Superkupës do të ishte thelbësor, ne e kemi përgatitur atë mirë dhe ne po bëjmë gjithçka për të fituar. Do të jetë një sfidë e madhe, ata kanë edhe lojtarë të rëndësishëm në pankinë, si çdo derbi do të luhet deri në fund, pres një sfidë të madhe."-tha kapiteni për Milan TV.