Ditën e djeshme janë mbyllur të gjitha ndeshjet e javës së 9-të të Superiores. Në këtë mënyrë mbyllet edhe faza e parë e kampionatit. Egnatia vazhdon të mbetet në krye të klasifikimit, teksa në “Selman Stërmasi” triumfoi 3-2 ndaj Tiranës. Rrogozhinasit udhëheqin me 19 pikë, ndërsa me 2 pikë më pak ndjek Partizani që triumfoi ndaj Erzenit me shifrat 2-1. Në “Final – Four” ndodhen edhe Laçi dhe Tirana me nga 13 pikë në vendin e 3-të dhe  4-të. Me nga 12 pikë ndjekin Vllaznia dhe Skënderbeu, ku pikërisht shkodranët triumfuan 2-0 ndaj korçarëve. 11 pikë kanë arritur të grumbullojnë Teuta dhe Erzeni. Durrsakët fituan me Dinamon, ndërsa shijakasit u mposhtën nga Partizani. Kukësi pas fitores me Laçin shkon në kuotën e 10 pikëve në vendin e 9-të, ndërsa Dinamo pas humbjes me Teutën “fundoset”, teksa mbyll klasifikimit me vetmë 7 pikë pas 9 ndeshjesh. Vlen të theksohet se Partizani dhe Teuta kanë një ndeshje më shumë për të zhvilluar. Takim i prapmbetur dhe i vlefshëm për javën e parë të Superiores.

 

View this post on Instagram

 

A post shared by Newsport.al (@newsport.al)