Superiorja do të hapë ditën e sotme javën e 6-të të saj me 3 ndeshje. Sipari hapet në orën 15:00 me Erzeni – Skënderbeu që do të përplasen në Rrogozhinë me shijakasit si pritës. Korçarët kërkojnë të rikthehen te fitorja pas 3 humbjeve rradhazi ndërsa ‘vendasit’ duan të shfrytëzojnë momentin euforik të dy fitoreve rradhazi për të vijuar me rezultate pozitive.
Në orën 18:00 do të jetë një sfidë për kreun teksa Vllaznia pret në Shkodër Egnatian. Kuqeblutë e Memellit me një fitore do të kapnin vendin e parë ndërsa rrogozhinasit e Tetovës duan 3 pikë për të vijuar kryesimin e kampionatit.
E fundit e ditës së sotme do të jetë Teuta – Kukësi, në orën 20:15 në Niko Dovana. Durrsakët vijnë pas shkarkimit të trajnerit Longo dhe në klub është rikthyer për herë të pestë Edi Martini.
