Sulmuesi i Belgjikës, Eden hazard ka folur për sfidën e gjysmë-finaleve që kombëtarja e tij do të luajë përballë Francës. Futbollisti i Chelsea-t nuk i ka kursyer lëvdatat për talnetin e ri të "gjelave", Kylian Mbappe, i cili po bën një paraqitje fenomenale këtë Botëror.
"Dikur kur ishte i vogël më shihte mua kur luaja dhe merrte shënime. Tani e shoh unë atë kur luan për të mësuar ndonjë gjë. Nuk kam pse e fsheh, ai është një lojtar i jashtëzakonshëm dhe për moshën që ka ajo që bën në fushë nuk ka të krahasuar", kanë qenë fjalët e Hazard për mediat belge disa ditë përpara sfidës decizive me fqinjët.
Sulmuesi belg ka folur edhe për Francën në përgjithësi duke thënë që është një skuadër e fortë por Belgjika i ka të gjitha mundësitë për të fituar. "Kam lindur në vitin 1991 kur ndoshta në Belgjikë kishte më shumë njerëz që bënin tifo për Francën se sa për ne, por tani kohët kanë ndryshuar", ka shtuar 27-vjeçari.
Lexo gjithashtu
