Mesfushori i Kukësit Arlind Kalaja është dëmtuar gjatë seancës stërvitore që ekipi ka zhvilluar ditën e enjtë, problem i cili ka çuar në lënien jashtë listës së lojtarëve të grumbulluar nga nënkampionët për ndeshjen e parë që do të luajnë me Valletën në Champions League.
Edhe pse fillimisht u mendua se bëhej fjalë për diçka të vogël, nga ekzaminimet e fundit që janë kryer ka rezultuar se bëhet fjalë për një dëmtim që do të duhet kohë të rikuperohet. Në këto kushte, drejtuesit së bashku me trajnerin Peter Pacult kanë menduar të mos e pëfshijnë shkodranin në listën e lojtarëve të grumbulluar për ndeshjen e parë që do luajnë në Champions League ndaj Valletës.
Në të njëjtën situatë ishte edhe mbrojtësi Rustem Hoxha, por stafi mjekësor ka dhënë sinjale pozitive për këtë të fundit duke garantuar se nuk përbën rrezik dhe se mund të jetë i gatshëm për takimin e parë.
Lexo gjithashtu
