Nuk ka pushim për skuadrat e Kategorisë së Parë. Ekipet do të zbresin menjëherë në fushën e lojës për të luajtur edhe sfidat e javës së 3-të të saj, që do të zhvillohen në dy ditë.
Të dielën është parashikuar të luhen 4 takime, të gjitha në orën 16:00. Luzi dhe Korabi do të sfidohen për pikët e para në kampionat, ndërsa vijnë në këtë përbalje me vetëm nga 1 pikë.
Një duel interesant do të jetë sfida mes Bylisit dhe Tomorit. Ballshiotët vijnë me pikë të plota, ndërsa nga krahu tjetër beratasit kanë grumbulluar 4 pikë në 2 sfida.
Do të përplasin “brirët” për fitoren edhe dy skuadrat pretendente për Superioren, por këtë sezon nuk e kanë nisur siç duhet. Kastrioti pret Flamurtarin në një duel që pritet të jetë mjaft i luftuar.
“Dhëmb për dhëmb” do të luftojnë edhe Apolonia dhe Besa. Fierakët kanë siguruar 6 pikë në 2 javë, ndërsa kavajasit vijnë pas fitores spektakolare me Lushnjen. 4 duele që do të mbërthejnë tifozët ditën e dielë.
Ndërkohë të hënën do të zhvillohen dy sfidat e mbetura. Po në orën 16:00 në fushë do të zbresin 4 skuadrat. Vora pret Burrelin. Djemtë e Artan Mërgjyshit do të synojnë të rikthehen te firtorja në kampionët pas humbjes me Elbasanin, ndërsa do të tentojnë të jenë në vendet e par anë tabelën e klasifikmit.
Gjithashtu edhe Elbasani do të luajë ndaj Lushnjes. Nevil Dede udhëton në transfertë dhe do të synojë fitoren e dytë rresht në kampionat.
[caption id="attachment_706326" align="alignnone" width="679"]
Ndeshjet e javes se 3-te te Kategorise se Pare[/caption]
Lexo gjithashtu
