Ditën e djeshme u zhvilluan edhe dy ndeshjet e tjera çerekfinale të Kupës së Shqipërisë. Vllaznia fitoi bindshëm ndaj Partizanit me shifrat 3-1, teksa Teuta mposhti 2-0 Kukësin. Ndërkohë një ditë më parë Tirana “shpartalloi” 4-1 Kastriotin, kur takimi mes Egnatias dhe Laçit përfundoi në rrjeta të paprekura.
Tashmë e gjithë vëmendja do të përqendrohet te java e 24-të e Abissnet Superiore. Kjo javë do të luhet në dy ditë, të dielë dhe të hënë. Bylis-Erzeni dhe Egnatia-Kastrioti janë parashikuar të zhvillohen ditën e dielë, sfida që startojnë në orën 13:00.
Ndërkohë një ditë më pas Laçi pret Kukësin, Vllaznia udhëton në Durrës për të sfiduar Teutën, takime që nisin po të njëjtën orë, 13:00.
Në këtë javë nuk ka si të ndodhë ndryshe. Të gjithë tifozët janë sy e veshë te derbi i Kryeqytetit, takim që do të luhet të hënën duke nisur që nga ora 19:00. Stadiumi ku do të zhvillohet ky takim akoma nuk është zyrtarizuar akoma dhe kjo është e vetmja dilemë që "ngrin" derbin.
Derbi është një ndeshje që vlen më shumë se 3 pikë, vlen për krenarinë e kryeqytetit. Si demat ashtu edhe bardheblutë vijnë nga humbjet në javën e fundit dhe pëërballë tyre do të synojnë triumfin. Një përballje që vendos shumë edhe për fatet e titullit kampion, pasi vetëm 3 pikë kanë kampionët më shumë se rivali i tyre i përjetshëm.
JAVA E 24-T – “ABISSNE SUPERIORE”
E DIEL 05/03/2023 BYLIS-ERZENI ORA 13:00
E DIEL 05/03/2023 EGNATIA-KASTRIOTI ORA 13:00
E HËNË 06/03/2023 LAÇI-KUKËSI ORA 13:00
E HËNË 06/03/2023 TEUTA-VLLAZNIA ORA 16:00
E HËNË 06/03/2023 PARTIZANI-TIRANA ORA 19:00
Lexo gjithashtu
