SPAK ka vendosur të mbyllë hetimet për dosjen e aktit terrorist në ndeshjen Shqipëri-Izrael por Gjykata Kundër Krimit të Organizuar dhe Korrupsionit e ka rrëzuar këtë kërkesë, duke i lënë afat dhe tre muaj të tjerë për të kryer hetime më të plota për ngjarjen.
GJKKO pasi ka vendosur t'a hedhë poshtë kërkesën SPAK, e ka kritikuar këtë të fundit në lidhje më hetimin e dosjes, dhe për këtë arsye hetimi duhet të zgjatet me disa muaj për të arritur në konkluzione përfundimtare për pushimin e çështjes.
"SPAK nuk ka kryer asnjë veprim dhe çështja nuk duhet të pushohet", mësohet të jetë një nga argumentat e dhëna nga GJKKO lidhur me kthimin e dosjes.
Kujtojmë që në nëntor të 2017, 4 persona, 2 prej të cilëve shkodranë dhe dy shtetas kosovarë u arrestuan në qytetin e Shkodres pasi u dyshuan se po planifikonin sulm me eksploziv në stadiumin 'Loro Boriçi' gjatë ndeshjes Shqipëri-Izrael.
Personat e arrestuar u akuzuan nga prokuroria e krimeve të rënda për 'vepra me qëllime terroriste', 'kanosja për kryerjen e veprave me qëllime terroriste' si dhe pjesëmarrëse në 'organizatë terroriste'.
Megjithëse çështja vijon të hetohet asnjë nga të akuzuarit nuk ndodhet në qeli. Të akuzuar si të përfshirë në këtë ngjarje janë imami i vetëshpallur i xhamisë së fshatit Kastriot në Dibër, Xhezair Fishti, ish-efektivi i forcave komando të Ushtrisë Medat Hasani u arrestuan në nëntor të vitit të kaluar së bashku me shtetasit Bekim Protopapa me profesion mjek berberin Ergys Faslija.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
