Theophilus Solomon mund të jetë lojtari i radhës që mund të largohet nga Partizani. Pas, Besnik Ferhatit, sulmuesi pritet të jetë largimi i dytë, por këtë herë klubi i kuq do të përfitojë të ardhura nga shitja e tij. Prej kohësh, Neftçi Baku, skuadra që militon në kampionatin azer kërkon të marrë Solomon dhe janë gati të paguajnë për kartonin e tij.
Partizani ka ulur pretendimet dhe me një shifër prej 50 mijë dollarësh është gati të pranojë këtë ofertë. Vetë lojtari ka dhënë miratimin e tij për këtë largim duke u shprehur se është gati për aventurën e re.
Tashmë “topi” në skuadrën ku luan edhe Bruno Telushi që duhet të paguajë këtë shifër për të firmosur me Solomon. Duke parë që merkato është hapur te Partizani janë gati për negociata dhe po punohet jo vetëm për afrime, por edhe për largime.
Loading ...
