Hapësire reklamuese

Çështjet kryesore

ARKIVA

“Lojtari i ndeshjes” nga SOFASCORE, ASLLANI i emocionuar: Jam i kënaqur, shpresoj të vazhdoj kështu

Shkruar nga NEWSPORT
“Lojtari i ndeshjes” nga SOFASCORE, ASLLANI i emocionuar: Jam i

Kristjan Asllani ishte titullarë në sfidën e Kupës së Italisë ndaj Parmës, takim që u fitua nga zikaltrit me shifrat 2-1 pas 120 minutash. Mesfushori i kombëtares shqiptare ishte një “gjenerator” i vërtetë në mesin e fushës, teksa nga “Sofascore” u vlerësua me notën 8, duke u shpallur edhe “Lojtari i ndeshjes”.

20-vjeçari shqiptar ka treguar emocionet e veta pas këtij kualifikimi, ndërsa thekson se ishte shumë e vështirë të fitonin ndaj Parmës, por tregon se është i kënaqur me paraqitjen  e tij dhe shpreson që të vazhdojë me të njëjtin ritëm.

“Misioni u krye me sukses. Jemi të lumtur që arritëm të kalojmë në raundin tjetër. E dimë që ndeshja e parë në Kupën e Italisë është gjithmonë e vështirë. Pjesa e parë nuk ishte aty ku duhej, pasi ishim të ngadaltë në manovrat tona, por në fraksionin e dytë reaguam dhe arritëm të ndryshonim rezultatin.

E pata të vështirë që të gjeja hapësira në fillim, diçka që është normale kur përballë ke një skuadër që luan e mbyllur pas. Në pjesën e dytë ata na lejuan më shumë hapësira dhe unë arrita që t’i shfrytëzoja mundësitë e mia. Ndihem mirë që e ndihmova ekipin dhe shpresoj që të vijoj me të njëjtin ritëm.

Jam i kënaqur me paraqitjen time, tani na duhet të shohim në ndeshjen tjetër“, u shpreh elbasanasi.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga