Abissnet Superiore mbylli të shtunën javën e 10-të të kampionatit, ndërsa ditën e djeshme Migem Memelli largohet nga drejtimi i Vllaznisë. Ky sezo duket i “çuditshëm” në Superiore, pasi rezultate suprizë po merren nga java në javë.
Janë plot 7 skuadra që kanë ndërruar trajnerë deri tani në kampionat. Humbja ndaj Kukësit nuk u “kapërdi” nga shkodranët të cilët njoftuan menjëherë largimin e Memellit, i cili i shtohet listës së largimeve.
Stavri Nica ishte trajneri i parë që u shkarkua në këtë sezon, teksa la stolin e Laçit pas barazimit 3-3 me Erzenin. Rraman Hallaçi gjithashtu pas humbjes së Kukësit me Egnatian me shifrat 4-0 u shkarkua nga verilindorët.
Gjithashtu edhe Teuta largoi Diego Longos pas humbjes me Vllazninë, teksa edhe Tirana pezullon Orges Shehin pas humbjes 3-0 me Laçin. Nga ana tjetër Partizani do të ndërpriste bashkëpunimin me Zoran Zekic , me këtë të fundit që tashmë drejton Osijek. Luigi Di Biagio ishte trajneri i radhës që largohej, teksa humbi ndaj Teutës 2-3.
Nga kjo vërehet se vetëm 3 trajnerë deri më tani ia kanë dalë t’i mbijetojnë “virusit” të shkarkimeve. Bëhet fjalë për Edlir Tetovën që drejton Egnatian, Ivan Gvozdenovic që udhëheq Skënderbeun dhe Alfred Deliallisin që ndodhet në krye të Erzenit.
Lexo gjithashtu
