Në Itali prej vitesh tashmë luajnë një numër i lartë lojtarësh me origjinë shqiptare. Ky numër tashmë sa vjen dhe shtohet. Si në çdo merkato tjetër edhe këtë verë të tjerë lojtarë kanë zgjedhur ekipet e Serie A për të vazhduar karrierën.
Fillimisht ishte Marvin Çuni, i cili ka firmosur kontratë me Frosinone. Kjo e fundit siguroi ngjitjen në elitë dhe tashmë 22-vjeçari do të synojë të jetë protagonist në Serie A, ku ka fimrosur një kontratë deri në vitin 2026. Çuni kaloi në Itali nga skuadra e Saarbrücken, teksa kartoni i tij zotërohet nga Bayern Munich.
Lojtari i dytë që do të luajë nën tingujt e Serie A është Ylber Ramadani. Mesfushori i kombëtares shqiptare kaloi nga Aberdeen në Skoci te Leçe në Itali. Ish-lojtari i Partizani do të mbajë veshur fanelën e kësaj skuadre për 3 sezone.
Dhe lojtari i 3-të që i bashkohet sëfundmi këtij kampionati është Stiven Shpendi. Sulmuesi i kombëtares U-21 kaloi nga Cesena te Empoli duke bërë një hap të rëndësishëm në karrierën e tij futbollistike. 20-vjeçari ka firmosur një kontrëtë deri në vitin 2025.
Siç duket skuadrat e Serie A janë të “marrosura” pas lojtarëve shqiptare dhe “koloninë” e tyre po e shtojnë dita ditës. Kjo në fakt është diçka pozitive, pasi në këtë mënyrë rritet edhe niveli i lojtarëve të kombëtares shqiptare.
Lexo gjithashtu
