Ditën e sotme do të luhen edhe 3 takimet e mbetura të javës së 31-të të Abissnet Superiore. 3 duele mjaft interesante me skuadrat që kërkojnë pikët për të arritur te objektivat e tyre.
Në orën 15:00 do të luhen një takim. Në “Kukës Arena” do të luhet dueli direkt për mbijetesën mes Kukësit dhe Teutës. Të dyja ekipet nuk kanë zgjidhje tjetër veçse fitores dhe në “Kukës Arena” pritet të zhvillohet një lojë e fortë dhe plot emocione.
Në “Elbasan Arena” do të përballen Tirana dhe Kastrioti ora 18:00. Bardheblutë kanë detyrim vetëm fitoren pasi tashmë Partizani i “kërcënon” me 2 pikë më pak. Ndërkohë pas hymbjes së Bylisit ditën e djeshme, krutanët synojnë 3 pikët për t’i kaluar në renditje.
Ndeshja e fundit do të jetë ajo mes Vllaznisë dhe Egnatias që do të luhet në “Loro Boriço” duke nisur që nga ora 18:00. Një përballje direkte për Europën, pasi edhe në tabelën e klasifikimit i ndan vetëm 1 pikë. Rrogozhinasit vijnë si forcë e tretë e kampionëtit, teksa kuqeblutë kërkojnë fitore për t’i lënë pas në renditje.
Lexo gjithashtu
