Të martën dhe të mërkurën do të zhvillohen edhe ndeshjet e turit të dytë të Kupës së Shqipërisë. Skuadrat e superiores do të kërkojnë fitoren për të mos i lënë asgjë rastësisë në takimin e dytë. Bylisi do të vihet përballë Vllaznisë në “Adush Muça” ditën e martë duke nisur që nga ora 13:00. Një sfidë ku ballshiotët kërkojnë të hedhin prapa krahëve momentin jot ë mirë në kampionat dhe të synojnë fitoren ndaj kuqebluve. Për këtë duel ballshiotët kërkojnë nga tifozëët që të jenë të shumtë në numër për të mbështetur skuadrën e tyre, ndërsa bëjnë thirrjen e veçantë ndaj tyre. “Mos harro, merr dhe një fëmijë për dore dhe tregoi fanelën më të bukur në Shqipëri. Forca Bylis", ka shkruar skuadra ballshiotë në rrjetet sociale.

 

View this post on Instagram

 

A post shared by FK BYLIS (@bylisal)