Gledi Mici është kthyer në një çështje të vërtetë në aksin "Kukës-Korçë". Lojtari i krahut të majtë është në kontratë me verilindorët, ndërsa i kontaktuar nga juglindorët dhe njëkohësisht kampionët në fuqi të vendit, ai ka shprehur dëshirën që t'iu bashkohet.
Nëse Kukësi pretendoi se do ta rikthente, lojtari nuk e ka bërë një gjë të tillë, teksa nuk iu është bashkuar në fazën përgatitore. Fieraku që luan në krahun e majtë të mbrojtjes dje është parë në Durrës, ku është ulur në kompleksin "Tropikal", që është pronë e Ardian Takajt, presidentit të Skënderbeut.
Mësohet se aty është zhvilluar biseda paraprake dhe lojtari ka rënë dakord për gjithçka, duke bërë edhe "pazarin" e fundit. Ndërsa burime pranë klubit bardhekuq bëjnë me dije se ai do të bashkohet me ekipin në Greqi.
Zgjidhja - Mici mund të quhet zyrtarisht i Skënderbeut, pasi Ardjan Takaj i ka dalë për zot kësaj situate. Përpos 35 mijë eurove që do të jepen për të marrë kartonin e tij. drejtuesit e Skënderbeut pritet që t'i ofrojnë lojtarë në formë huazimi Kukësit. Pra, shkëmbimi këtë herë nuk do të jetë vetëm monetar.
Lexo gjithashtu
