Skënderbeu do të nisë punën për Superioren në datën 25 qershor. Burime të besueshme pranë klubit korçar bëjnë me dije për Neësport.al që stafi teknik ka zgjedhur këtë datë për të filluar stërvitjen. Trajneri Ivan Gvozdenoviç i ka planet e qarta dhe në elitë nuk kanë ardhur thjeshtë për një shëtitje.
Krahas stërvitjes pritet të ketë ndërhyrje edhe në merkato, ku do të tentohen të afrohen ata futbollistë me kosto minimale. Dënimi në fuqi nga UEFA ka shkërmoqur jashtëzakonisht shumë arkën e korçarëve. Megjithatë të gjithë janë optimistë se Skënderbeu i sezonit të ri do të shndërrohet në faktor në Superligën Shqiptare.
Kujtojmë që në Kategorinë e Parë, bardhekuqtë me në krye trajnerin serb bënë mrekullinë duke mos humbur asnjë ndeshje në pjesën e dytë të sezonit. Pragmatistë në fushën e blertë dhe një grup mjaft premtues që do të ndiqet me interes edhe në elitën e futbollit tonë.
Lexo gjithashtu
