Sot, në orën 17:00, në stadiumin "Selman Stërmasi" do të luhet sfida më e nxehtë, ajo mes Partizanit dhe Skënderbeut, e vlefshme për javën e 12-të të kampionatit në Superligë.
Ndërkohë që të dyja ekipet dje i'u kanë dhënë dorën e fundit përgatitjeve, tifozët e të dyja skuadrave kanë nisur prej ditësh organizimet për të dhuruar spektakël në shkallët e stadiumit. Klubi korçar i'u ka premtuar tifozëve udhëtimin falas sot drejt Tiranës.
Ka qenë presidenti i Skënderbeut, Ardjan Takaj, ai i cili ka konfirmuar këtë detaj para dy ditësh. "Ujqerit e Dëborës" premtojnë shumë sot. Prej ditësh i kanë dhënë një rëndësi të veçantë këtij takimi, ku pritet të krijohet një atmosferë e zjarrtë, pasi dhe ndeshja e sotme është e tillë, ndër më të egrat vitet e fundit.
Nuk dihet ende se çfarë kanë përgatitur "Ujqërit e Dëborës" për të shpalosur në këtë sfidë, gjithçka pritet të mësohet me startimin e ndeshjes, por si gjithmonë, sot, spektakli është i garantuar nga të dyja tifozeritë e skuadrave respektive.
Lexo gjithashtu
