Duhen edhe disa javë nga çelja e merkatos së dimrit, megjithatë te Skënderbeu kanë nisur të mendojnë për përforcimet e janarit. Kjo periudhë nuk të ofron shumë mundësi, ndaj sytë janë hedhur jashtë vendit. Një nga lojtarët që ka tërhequr vëmendjen e trajnerit Ilir Daja është Vangjel Zguro. Mbrojtësi i linjës së majtë ishte ndër më të mirët në Shqipëri dhe një ofertë nga ana e klubit korçar do ta rikthente atë në Superligë.
Ndërkohë, Donald Rapo është futbollisti tjetër që pëlqehet nga tekniku kryeqytetas. Kapiteni i Luftëtarit ka bërë mjaft mirë në këtë sezon futbollistik. Edhe pse organika bluzi është e cunguar, kapiteni ka bërë diferencën duke treguar cilësi dhe nivel të lartë në elitën tonë. Pritet me interes të shihet se çdo të ndodhë me dy lojtarët e sipërpërmendur. Vlen të theksohet se një afrim i Zguros te Skënderbeu do t'i hapë rrugë shitjes së Jorgo Pëllumbit, për të cilin ofertat nga jashtë vendit nuk kanë munguar.
Lexo gjithashtu
