Skënderbeu i gatshëm të paguajë, synohen tre lojtarë

Arbnor Fejzullahu

Presidenti Takaj ka deklaruar se me dy levizje në merkato do të mbyllet merkato e Skënderbeut. Por, nuk përmendi emra se kush do të jetë pjesë e bardhekuqve për sezonin e ri. Por, burimet e fundit bëjnë me dije se pranë skuadrës 7 herë kampione të vendit do të afrohen Gledi Mici, Emiliano Vila dhe Arbnor Fejzullahu.

Për Fejzullhaun korçarët janë gati të paguajnë 50 mijë euro për kartonin e tij, ndërsa Micit i përfundon kontrata me Kukësin në fund të ndeshjeve të Europa League. Por, edhe më parë nuk ka munguar një bisedë, e cila e bënte fakt të kryer se fieraku Mici do të firmoste në Korçë pas përfundimit të aventurës me Kukësin. Na mbetet vetëm të presim.

Sa i përket Emiliano Vilës, thashethemet e fundit e çojnë atë te Skënderbeu, por mësohet se ka edhe një këmbëngulje të trajnerit Agostinelli për ta pasur mesfushorin pjesë të organikës së skuadrës së tij. Pas përfundimit të angazhimit në Europë, Vila mbetet i lirë, ndërsa do të zgjedhë vetë durrsaku se ku do të shkojë.