
Partizani ka fituar në shtëpi përballë Kukësit, në ndeshjen e vlefshme për javën e 26-të të “Abissnet Superiore”. Sfida që u zhvillua në stadiumin “Arena e Demave”, përfundoi me fitoren e pastër 3-0 të vendasve. Pas kësaj sfide ka folur edhe ish-kapiteni i të kuqve, Nderim Nexhipi.
“Partizanin e gjeta mirë. Ishte ndeshje interesante edhe pse të gjithë jemi koshient që gjendja e Kukësit po përkeqësohet nga ndeshja në ndeshje. Por Partizani mori 3 pikë të rëndësishme.
Talentet? Po shoh sa më shumë ndeshje që mundem. Kam dëgjuar që te Partizani është një talent si Kote. Shpresoj ta shohim më shumë në fushë. Pres atë sepse kam dëgjuar shumë fjalë të mira. Te Partizani ka shumë lojtarë të rinj që po afirmohen nga java në javë. Sidoqoftë, për Koten kam dëgjuar fjalë të mira.
Final Four? Besoj që Egnatia, Partizani, Vllaznia dhe Dinamo ose Tirana në vendin e katërt”, është shprehur Nexhipi.