Tërmeti i datës 26 nëntor solli pasoja negative për Shqipërinë. Veç frikës legjitime dhe dëmëve materiale, tragjedia la pas 51 viktima. Të shumtë ishin klubet sportive dhe lojtarët e njohur që u solidarizuan me Shqipërinë. Federata Shqiptare e Futbollit shtyu kampionatin me një javë, si pasojë e situatës. Menjëherë pas qetësimit, specialistë të FSHF-së kanë vërshuar drejt impianteve sportive në shumicën e vendit.
Vëmendja kryesore është vendosur te zonat e prekura dhe kryesisht në Durrës, aty ku dhe pasojat e tërmetit ishin më të mëdha. Stadiumi "Niko Dovana" në Durrës dhe "Selman Stërmasi" në kryeqytet nuk kanë pasur asnjë dëmtim strukturor, çka fton në këtë mënyrë që të zhvillohet aktiviteti normalisht në fundjavë. Megjithëse këtë javë nuk do të luhet asnjë ndeshje në impiantin e inauguruar disa javë më parë, ekspertët e FSHF-së kanë inspektuar edhe stadiumin e ri "Air Albania", në të cilin nuk është gjetur asnjë problem.
Lexo gjithashtu
