Dinamo – Skënderbeu 0-0
Dinamo: Simoni, Sofranac, Samake, Isaevski, Malikji, Siljanovski, Sidibe, Skuka, Bardhi, Ibraimi, Chinedu
Skënderbeu: Rexhepi; Meksi, Vitija, Randi, Zguro, Vangjeli; Viktor, Moraesh, Mara; Berisha, Mensah
Arbitër: Indrit Myrtja VAR: Kreshnik Cjapi
Në Elbasan Arena, Dinamo dhe Skënderbeu nuk shkuan më shumë se një barazim pa gola, në sfidën e vlefshme për aktin e 15-të të elitës së futbollit shqiptar.
Në minutën e katërt, korçarët do kalonin në avantazh me Mensah, por goli do anullohej për faull ndaj Sofranac. Në të 51-tën, ekipi i Shkëmbit do realizonte një super gol me Siljanovski, por anullohet për pozicion të parregullt. Në të 80-tën, djemtë e Memellit do dilnin bukur përpara, teksa Simoni do shpëtonte një gol të sigurt. Pak sekonda më pas pretendohet një penallti nga Skënderbeu pas një prekje me dorë të një lojtari dinamovit, por kryesori thotë se loja duhet të vazhdojë. Në fund Mensah u pa i vetëm përballë portierit Simoni, por ky i fundit pret.
Dinamo renditet tashmë e shtata me 15 pikë. Po aq pikë ka edhe Skënderbeu, por është e teta.
Komenti minutë pas minute:
90'- Mbyllet takimi.
90'- Mensah gjendet i vetëm me Simonin, por ky i fundit bën një mrekulli, duke pritur gjithçka.
81'- Skënderbeu pretendon penallti, pas një prekje me dorë të një nga lojtarët e ekipit të Shkëmbit. Gjithsesi, asgjë s'ka sipas kryesorit.
80'- Simoni shpëton një gol të sigurt.
71'- Rrit presionin Skënderbeu. Korçarët janë të gjithë në zonen dinamovite.
70'- Bardhi tenton nga distanca, por pa rezultat.
51' - Siljanovski zhbllokon shifrat me anë të një goli të bukur. Gjithsesi, anullohet për shkak të një pozicioni të parregullt.
46' - Nis e dyta.
45'- Gjyqtari i katërt jep 2 minuta shtesë. Rezultati mbetet i pandryshuar.
40'- Këndore për Dinamon. Sidibe ka një mundësi të artë shënimi, por sfera shkon jashtë kuadratit.
39'- Goditje dënimi për Dinamon. Kroson bukur Ibraimi, largon sërish mirë mbrojtja bardhekuqe.
35'- Loja zhvendoset në gjysmëfushë. Dinamo këmbëngul, por korcarët mbyllen mirë pas.
24'- Goditje dënimi për Skënderbeun. Gjuan Uerdi Mara, i saktë sërish Simon Simoni.
18'- Zhan Viktor provon me një goditje nga larg, megjithatë Simoni ndodhet sërish në pozicion.
10'- Këndore për Dinamon, por largon mirë mbrojtja korcare.
4'- Skënderbeu realizon golin e parë. Alfred Mensah shkëputet bukur, por pas ndërhyrjes së VAR-it goli anulohet për faull ndaj Sofranac.
1’- Ndeshja nis me një minutë heshtje në kujtim të Spartak Elmazit, i ndarë nga jeta disa ditë më parë. Topi i parë shkelmohet nga vendasit.
Lexo gjithashtu
