Shtohen “puçistët” te Partizani, pezullohet edhe mesfushori

Kjo verë duket e mbushur me probleme për Partizanin dhe lojtarët e tij, të cilët duket se kanë një dëshirë të çuditshme për ta lënë klubin e kuq. E kishte këtë dëshirë Fejzullahu, por nuk ia arriti, sepse e humbi gjyqin, të paktën për momentin. Një tjetër lojtar i rëndësishëm, që refuzon të bashkohet me ekipin kryeqytetas, është Mentor Mazrekaj, për të cilin klubi, siç shkruan “Panorama Sport”, ka marrë masën e pezullimit pa afat. Mesfushori nuk është bashkuar me ekipin në stërvitje dhe stafi teknik ka lajmëruar presidentin Demi, i cili ka marrë vendimin e pezullimit. Nuk dihet se kur Marekaj do të vijë te Partizani, nëse do të vijë. Ligjërisht të dy futbollistët mund të mbeten te të kuqtë, por do të jetë shumë e vështirë të luajnë për këtë fanellë, për vetë faktin se e kanë shprehur hapur dëshirën e largimit për arsye të ndryshme.

Ditmar Bicaj është një tjetër lojtar, që duket larg të kuqve. Ai ka një çështje të hapur për pagesat e sezonit të fundit, pasi nuk është likuiduar, ndaj dhe e ardhmja e tij duket në ekip tjetër, ku favorit duket Flamurtari.