
Partizani do të luajë ditën e enjte në “Elbasan Arena” sfidën e kthimit me Valmieran, e vlefshme për turin e tretë të Conference League. Takimi i zhvilluar në Letoni ka përfunduar në favor të të kuqve me shifrat 2-1. Ndërkohë vetëm dy ditë më parë demat zhvilluan në “Air Albania” ndeshjen miqësore me Romën, sfidë që u mbyll 2-1 për italianët.
Në këtë takim u dëmtua Marceliano Preka, i cili u detyrua të linte fushën e lojës në minutën e 80-të. Shkodrani i shton kështu “dhimbjet e kokës” trajnerit Zoran Zekic, pasi rrezikon të mungojë në sfidën e kthimit me Valmieran.
Kujtojmë se Sembene dhe Mansah janë gjithashtu mungesa për ditën e enjte, me Zekic që tashmë përveç tyre mund të mos llogarisë as shërbimet e mbrojtësit.